廣州，係我出世同長大噶地方。因為我生于斯長于斯，所以我對廣州有好深噶感情，我一直好鐘意我心愛嘅廣州。
我哋廣州人噶集體回憶，不知不覺間逐啲逐啲咁樣消失。哩啲嘢，雖然算唔上係咩嘢重要噶文化遺產，更加無咩機會會被評上受保護噶文化遺產，但系哩啲都可以稱得上傳統廣州人噶共同財產。隨著城市現代化噶建設，我哋以后好難再見到哩啲咁有廣州特色噶嘢咯。
廣州噶嶺南建筑
唔好以為果啲騎樓好似好殘好舊咁啊，查實騎樓系最有廣州特色噶建筑之一。如果唔系之前恩寧路噶大規模改造計劃，真係好少人會去關注。即使係起廣州地鐵一號線果陣，基本上成條中山路噶騎樓都拆曬咁制，又係無咩人會記得。中山路同時都系要做擴寬工程。到左舊城改造地產商去拆樓重建果陣，我哋都無真正關心過，因為哩啲系人地噶商業決定。因為當時我哋仲系會天真噶以為，好多地方噶騎樓仲係度。當我哋發現發現恩寧路拆遷噶時候，我哋已經發現，騎樓已經所剩無幾，想去補救已經來唔切啦。騎樓噶消亡，唔單只系樓宇建筑噶拆卸，而且拆走噶一段和諧噶鄰里關系。居民搬遷到新噶社區，就算有更好噶居所，重構社區噶社會成本未必能夠扯平房地產發展噶成本。無計，城市發展必須要承受噶痛楚。同樣噶系，西關大屋和東山洋樓亦要面對同樣噶選擇。應該保育舊建筑，定系選擇推倒重建，我哋廣州人真係要林清林楚。
廣州噶飲茶文化
唔好以為廣州仲有好多茶樓，但係無可避免噶一個問題就係茶樓噶生意唔係咁好做。茶樓好似客似云來咁，但係大多數都系阿婆阿伯去飲茶，消費唔係好多。另外近來茶樓噶食品質素亦有所下降，無以前咁好味，去茶樓飲茶噶人係少左。經濟噶原因亦係一個好重要噶因素。一盅兩件始終係廣州人噶生活習慣。蝦餃燒賣少唔到噶。
買少見少噶粵語
本來粵語就係廣州人噶日常語言，但係隨著社會噶發展，交流頻繁左，更多噶外地人來到廣州搵食。加之普通話噶大力推廣，講粵語噶人已經越來越少咯。所以也難怪粵劇點解會越來越少人去睇。係普及普通話噶大環境下，連粵語都未必能夠保得住，更何況係粵劇。
城市始終係會向前發展，廣州亦要不停咁發展。雖然我哋已經有左一大批新潮噶嘢，但係傳統係唔可以掉左距。我哋唔單單只要一個現代化嘅廣州，我哋亦要保留翻傳統嘅我哋心愛嘅廣州。
